Nicky Verstappen

Vlinder

Vlinder leet te sloape op de hei
enne lange droem di naam ‘m mei
d’r waas genne wind, genne nacht
allien mar deze daag
en ’n groete moan die alles zaag

elke boem en elke stroek stiet stil
‘n wolk drieft dreigend
alsof ze zegge wil:
‘ik halt de woarheid teage
zolang als ‘t meej lukt,
tot ‘t moment dat alles oape brukt’

oh vlinder, vlig mar verder als dat giet
de kers die brandt
die langs d’n televisie stiet
oh vlinder, is ‘n foto an de moor
droem mar verder, sloap mar door

met de pyama in ’n tent
elf joar, al enne groete vent
hof niks mier te liere
wet ‘t allemoal al lang
allien ‘t onbekende makt ‘m bang

mugge danse op ‘t druuge graas
dezelfde daag als anders, zoeals ‘t altied waas
‘t volle licht, de schemering
d’n oavend als ‘t dimt
en enne vlinder mei nar boave nimt

oh vlinder, vlig mar verder als dat giet
de kers die brandt
die langs d’n televisie stiet
oh vlinder, is ‘n foto an de moor
droem mar verder, sloap mar door

urgens giet d’n telefoen
‘t klinkt anders, harder dan gewoen
d’n hond leupt weg, heej dreit zich um
nar boete en ‘ie staart
nar ‘n durp dat ‘n geheim bewaart

oh vlinder, vlig mar verder als dat giet
de kers die brandt
die langs d’n televisie stiet
oh vlinder, is ‘n foto an de moor
droem mar verder, sloap mar door

vlinder leet te sloape op de hei
enne lange droem di naam ‘m mei
d’r waas genne wind, genne nacht
allien mar deze daag
en ’n groete moan die alles zaag

[Muziek: Karen Posten (‘Lydia’), tekst: Jack Poels]
[cd ‘Dageraad’, V2 Records 2003]

This entry was posted in Nieuws.